നിന്റെ കണ്ണുകൾ ഈറനണിഞ്ഞാൽ
എന്റെ മനസ്സിൽ പെരുമഴയുടെ പെരുമ്പറ
നിന്റെ കണ്ണുകൾ തിളങ്ങിനിന്നാൽ
എന്റെ മനസ്സിൽ പുതുമഴയുടെ പൂക്കാലം
നിന്റെ മുഖം വാടിയാൽ
എന്റെ മനസ്സിൽ നിറമില്ലാപ്പൂക്കാലം
നിന്റെ മുഖം തെളിയുമ്പോൾ
എന്റെ മനസ്സിൽ നിത്യവസന്തപ്പൂത്താലം
നിന്റെ മൌനം മേഘാവൃതമായാൽ
എന്റെ വാക്കുകൾ നിശബ്ദം
നിന്റെ മൌനം വാചാലം
എന്റെ വാക്കുകൾ ശലഭങ്ങൾ
നിന്റെ വാക്ക് മുറിവേല്പ്പിച്ചാൽ
എന്റെ ചോര വാർന്നൊഴുകും
നിന്റെ വാക്ക് താലോലിച്ചാൽ
എന്റെ മനമൊരു മയിൽ പ്പീലി